ياترى الولد والبنت زى توم و جيرى؟؟؟؟؟؟؟؟؟؟؟؟؟؟

بصو يا جماعه الموضوع الى هتكلم فيه ده محتاجه فيه رأى الولاد أكتر بس طبعا مفيش مانع من رأى النص الحلو فى المجتمع طبعا
هو موضوع هقوله على هيئه اسئله علشان انا رغايه ومش عاوزه أطول عليكو ..........

أولا: احنا دخلنا الجامعه اهو دخلنا حياه جديده حياه انفتاح زى مبيقولو&يا ترى لسه فى نظام الشلل الى بتتكون من ولاد وبنات؟؟؟؟؟؟
السؤال بطريقه تانيه:ياترى ايه نوع العلاقه الى مسموح بيها بين الولد والبنت؟ صداقه -زماله -تضيع وقت-حب...........وطبعا الولد بيكون له الدور الاكبر فى تحديد نوع العلاقه دى

ثانيا:هو مش سؤال دى معلومه أتقالتلى احب انكم تضيفو عليها علشان الصوره تكون واضحه
جمله اتقالتلى قبل مدخل الجامعه يعنى كانت شبه تحذير وهيا ان البنت أو مبتدخل الجامعه خطواتها بتكون محسوبه عليها من اول مبتدخل من باب كليتها
يا ترى فعلا الولاد بيكونو مهتمين اووووووووى انهم يشوفو دى عملت ايه ودى راحت فين ودى بتلبس ايه ودى بتكلم ده وغيره وغيره.........
من الاخر كده أكيد كل بنت تحب تعرف هيا بيتقال عليها ايه فى الكليه ونظره الولاد ليها ازاى يعنى ممكن يكون مجرد فضول منها أو زياده للثقتها بنفسها يعنى.............

ثالثا:نفسى أعرف الولد لما بيكره واحده ايه أقصى حاجه ممكن يأذيها بيه؟؟؟؟؟؟؟؟؟؟؟
وأكيد الولد مبيوصلش لدرجه الكره لبنت غير لو رفضته أو مش راضيه تكلمه أصلا ويا سلام بئه لو أحرجته قدام أصحابه وسنتها بيضه لو أحرجته قدام البنات

كفايه عليكو علشان انا حاسه انى بكلم نفسى فى المنتدى الفاضى ده
متظره ردودكوووووووووووووووووووووووووووو

أولا: احنا دخلنا الجامعه اهو دخلنا حياه جديده حياه انفتاح زى مبيقولو&يا ترى لسه فى نظام الشلل الى بتتكون من ولاد وبنات؟؟؟؟؟؟

احنا دخلنا الجامعة عشان كل واحد هيبدا يتحدد مجاله وشغله اللي هيشتغل فيه بعد كدا وهيبدا يتعرف مين الدكتور من الصيدلي من المهنس من الكيميائي وهي حياة جديده ومنفتحه بس انا مش شايف انها تختلف عن حياتي قبلها ونظام الشلل ولاد بس دا اللي انا فيه واللي مقتنع فيه لكن ولاد وبنات ما بحبوش الصراحه

السؤال بطريقه تانيه:ياترى ايه نوع العلاقه الى مسموح بيها بين الولد والبنت؟ صداقه -زماله -تضيع وقت-حب...........وطبعا الولد بيكون له الدور الاكبر فى تحديد نوع العلاقه دى

مفيش علاقه محدده نقدر نسمح بيها بين اي ولد وبنت كل واحد عارف حدوده والاساس انها زميلته فقط لا غير وطبعا عادي لما واحد يحب واحده دا شيء عادي خصوصا اننا لسا شباب لكن صداقه وان انا اقف مع بنت 24 ساعه في الجامعه دا اسلوب فاشل ومش هستفيد حاجه بالعكس دا تضيع وقت وانا من رايي ان الولد والبنت هما اللي بيحددو مع بعض نوع العلاقه دي باختلاف فكر وتربيه كل واحد بس في مرجع وفي اساس اللي هو الصح ولازم نمشي عليه مهما اختلفت طرق التربيه


ثانيا:هو مش سؤال دى معلومه أتقالتلى احب انكم تضيفو عليها علشان الصوره تكون واضحه
جمله اتقالتلى قبل مدخل الجامعه يعنى كانت شبه تحذير وهيا ان البنت أو مبتدخل الجامعه خطواتها بتكون محسوبه عليها من اول مبتدخل من باب كليتها
يا ترى فعلا الولاد بيكونو مهتمين اووووووووى انهم يشوفو دى عملت ايه ودى راحت فين ودى بتلبس ايه ودى بتكلم ده وغيره وغيره.........
من الاخر كده أكيد كل بنت تحب تعرف هيا بيتقال عليها ايه فى الكليه ونظره الولاد ليها ازاى يعنى ممكن يكون مجرد فضول منها أو زياده للثقتها بنفسها يعنى.............

مش اوي كدا على فكره مش بالحساسيه دي واللي بياخدوها كدا يبقى تفكيرهم غلط وطبعا غصبن عن الولد بيتابع البنت بتروح فين وبتقف مع مين بس مش دايما ساعات ما بيديش بال خالص ليها وزي ما البنت ساعات بردو بتاخد بالها من الولد ........... يعني انا شايف ان الموضوع متبادل ومش حساس اوي زي ما انتي واخداه ........... بس في نقطه ولازم اكلم فيها اي ولد لما يشوف البنت واقفه مع دا ودا ودا ودا ودا وتطول في وقفتها بياخد عنها انطباع تاني خالص وانا بصراحه بدايق من الموضوع دا لان انا شايف لو البنت تعرف حد زميلها او حاجه يعني ما تقفش معاه بالاربع والخمس ساعات يقعدو بتكلمو في حجات ملهاش لزمه



ثالثا:نفسى أعرف الولد لما بيكره واحده ايه أقصى حاجه ممكن يأذيها بيه؟؟؟؟؟؟؟؟؟؟؟
وأكيد الولد مبيوصلش لدرجه الكره لبنت غير لو رفضته أو مش راضيه تكلمه أصلا ويا سلام بئه لو أحرجته قدام أصحابه وسنتها بيضه لو أحرجته قدام البنات

لو الولد كره البنت عشان ماكنتش راضيه تكلمه يبقى هو انسان ناقص وضعيف وعامل زي العيل الصغير اللي يعوز حاجه ويشبط فيها ولما ما تجيلوش يلعنها .......... وبردو البنت حقها انها تقفله في اي وقت واي مكان وقدام اي حد ومش ذمبها طالما دي حاجه ادايقت منها وهي عبرت عن غضبها دا مش بالضروره بقا قدام مين ولاد صحابه ولا بنات صحابها ............... ولو الولد فكر ياذيها هيعرف ياذيها باي طريقه ممكن تخطر على باله ودا بردو بيختلف من واحد للتاني ممكن واحد يفكر في حجات هايفه ممكن انها تاذيها وهي اصلا مش هتعملها حاجه وممكن ولد يفكر ياذيها ويعملها مشاكل جامده .......... بس في كلا الحالتين ولد ناقص وضعيف وفعلا البنت كان عندها حق لما قفلته والمفروض انها ما تخفش من واحد زي دا وممكن تلجا لاي حد ثقه يحميها (لو شايفه انها محتاجه حمايه )من الولد دا

دا رااي المتواضع

ميرسى يا حمدى على اهتمامك وانك رديت.....................
بالنسبه لتعليقك على اسم الموضوع فانت لو جيت تفكر فيه براحه هتلاقيه لوحده موضوع وانا مبسوطه بجد لأن انت الوحيد الى لفت انتباهك وعلقت عليه...........
أنا شبهت الولد بتوم والبنت بجيرى وده معناه ان توم دايما بيجرى ورا جيرى وهو دايما الاقوى وعنده كل الطرق مشروعه ومباحه لحد ميوصل للى هو عايزه وده بيخلتف طبعا من توم للتانى وبعد كده ممكن بستوطى و يخلص على جيرى<يعنى توم ميقدرش يعيش من غير جيرى وفى نفس الوقت علشان توم يعيش لازم جيرى يموت>

بالنسبه بئه لتعليقك على سؤالى الاول: انا متفقه معاك جدااا فى ان العلاقه بين الولد والبنت بتبدأ بزماله وبعدين صداقه وبعدين تخد كرف تانى خالص وهو الحب علشان كده انا شايفه ان نظام الشلل الى بتتكون من ولاد وبنات نظام فاشل ياريت يكون وصلك الى عاوزه أقولك

بالنسبه لردك على سؤالى التانى:انت مفهمتش قصدى من الاساس يا حمدى مع انى متفقه معاك فى قولته ......
انا كنت بسأل ليه كل واحد ميكونش فى حاله فى الجامعه وملوش دعوه دى بتعمل ايه ودى بتكلم مين ودى واقفه مع مين يعنى بلاش دور العالم اللميحه الى انتو بتعيشو فيه لما بتشوفو ولد واقف مع بنت
انا متفقه معاك فى النقطه التانيه فى ان البنت الى واثقه من نفسها وعارفه انها مبتعملش حاجه غلط ميهمهاش رأى الناس بس ده كان رأيى اول مدخلت الجامعه لكن بعد كده عرفت ان الناس بتاخد بالشكل بس يعنى انا لو وقفت اكلم ولد زميلى وانا مقتنعه مليون فى الميه انى مبعملش حاجه غلط برضه الناس هتفهم غلط احنا وسط عالم زبااااااااااااااااااااااله يا ابنى

وردك على سؤالى التالت عجبنى اوووى وااااااااااااااااااااو بجد والله بحيك لأن واخيراااااااااااااا فهمت قصدى

ردك جااااااااااااااااااااااااااااااااااامد يا ثروت بس انا مازلت معترضه على درك على أخر سؤال ليا عادى بئه اختلاف وجهات النظر لا يفسد من الود قضيه

بجد التوبيك جااااااااااااااامد جدااااا
انا هقولك رأيى بالنسبة لنظام الشلل انا شلتى 4 بنات بس مش بعترف اصلا بنظام الشلل دا خااااااااالص البنت بتبوظ سمعتها على الفاضى بس طبعا بالنسبة للولد بقى فى ولاد بيعتبروها انها بتديلهم برستيج او يتمنظروا بالبنات اللى يعرفوهم وطول اليوم يقضوة مع بعض دا غير انو حرام اصلا البنت اللى بتتأذى
دا بالنسبة لاول سؤال
تانى سؤال بقى
المفروض العلاقة بين الولد والبنت فى الجامعة تكون زمالة يعنى كمان متوصلش للصداقة واانا بختلف معاكى فى نقطة ان الولد اللى بيحدد نوع العلاقة انا شايفة ان البنت هى اللى بتحدد العلاقة مش الولد وممكن ترفض لو طلب ان العلاقة تتطور
بالنسبة بقى للكلام اللى بيتقال فانا واحدة من الناس الكلام دا ميمثليش اى شىء مادام انا معملتش حاجة غلط ممكن اوى حد يكون متضايق منى فى حاجة يقولى عنى انى مش كويسة انا مش هقدر امنع الناس انها تتكلم بس اكيد هيجى يوم الناس تعرف الحقيقة وتعرف انى مش كدا
انا فعلا ممكن اكون حابة اعرف الكلام زى مانتى قولتى مجرد فضول بس للاسف الناس مبتقولش غير الكلام الوحش بس يعنى بينسوا الحسنات ويفتكروا السيئات
بالنسبة ان الولد يكرة البنت دى بتحصل بس فى حالة لو اهانتة او رفضتو بطريقة مش كويسة
بس الانسان المحترم هو اللى ينسحب فى هدوء وميحاولش يأذيها

وميرسى ليكى مرة تانية على التوبيك

ميرسى ليكى انتى يا قمرايه على ردك الجميل ده .....................
أنا معاكى فى كل حاجه قولتيها بس أخر حاجه توصلتلها وسط مجتمعنا الى مبيصدقك اى سيره علشان يمسك فيها وخلاص ان حتى البنت والولد مينفعش يكون بيهم حتى زماله<تعرفى انى هموووووووووووووت وألاقى أخ جدع فى سنى أو أكبر منى> بس نظره الناس الغبييه الى على الرغم التفتح الفظيع الى وصلناله وتقليدنا للغرب فى الصح والغلط مش قادرين نفهم ان فعلا البنت لو ملهاش أخ محتاجه تلاقيلها أخ أو زميل بس عادى بئه كده احسن