عارفين حكايه الربع جنبه المخروم؟؟؟؟؟؟؟؟؟؟؟؟؟؟

كان ياما كان في قديم الزمان ....
كان في واحد معاه ربع جنيه
كان واقف في الشارع
كان محتار يشتري عصير قصب ولا يركب المكروباص يروح
فقال احنا ناخد كل الاحتمالات
لو ركبت المكروباص يبقى في احتمال من اتنين
يا اما هقعد جمب راجل يا اما اقعد جمب واحده
لو قعدت جمب راجل مش مشكله
لو قعدت جمب واحده يبقى في احتمال من اتنين
يا ااما تطلع حلوه يا اما تطلع وحشه
لو طلعت وحشه مش مشكله
لو طلعت حلوه يبقى في احتمال من اتنين
يا اما هنتعرف يا اما مش هنتعرف
لو ما اتعرفناش مش مشكله لو اتعرفنا يبقى فيه احتمال من اتنين
يا اما ما نتجوزش يا اما نتجوز
لو ما تاجوزناش مفيش مشكله
لو اتجوزنا يبقى في حل من اتنين
ياما نكمل يا اما نطلق
لو اطلقنا مش مشكله او كملنا يبقى في حل من اتنين
يا اما نخلف يا اما ما نخلفش
لو ما خلفناش مفيش مشكله
لو خلفنا يبقى في حل من اتنين
يا اما هنجيب ولد يا اما هنجيب بنت
لو جبنا بنت مش مشكله
لو جبنا ولد يبقى في احتمال من اتنين
يا اما يطلع كويس يا اما يطلع بايظ
لو طلع كويس مفيش مشكله
لو طلع بايظ يبقى في احتمال من اتنين
يا اما بتعاطي مخدرات يا اما يقضيها كدا وخلاص
لو بيقضيها مفيش مشكله
ولو بيتعاطي يبقى فيه احتمال من اتنين
يا اما هيشتري المخدرات من معاه يا اما هياخد مني فلوس عشان يشتري
لو اشتراها من معاه واتصرف هو مفيش مشكله
لو اخد فلوس منى.................................................................... يا لهوي دنا هفلس كدا

لا يا عم انا اروح اشرب عصير قصب احسن
وتوته توته خلصت الحدوته حلوه ولا ...........................

هههههههههههههههههههههههه
هو فى احتمالين ممكن تكون حلوة او ممكن تكون مش حلوة
لو حلوة مفيش مشكله
لو مش حلوة فى احتمالين
ان الناس ترد او متردش
لو الناس مردتش مفيش مشكله
لكن لو الناس ردت يبقى فى احتمالين ..............
حد يكمل بقى علشان تعبت
بس هى قصه جامده بتبين ان الربع جنيه ممكن يعمل المعجزات دلوقتى

الله يخليكي يا دندونا ان شاء الله اخنق......أأأأقصد امتعكو بقصصي الممتعة ان شاء الله

تصدق بالله ياثروت انا كنت بعشق عصير القصب بس شكلى هغير رأيي فيه ..

هههههههههههه
مانتى لو غيرتى رايك
فى احتمال من اتنين
يا اما يبقى نفسك فيه يا اما تعملى بيه حاجة تانية
لو نفسك فيه مفيش مشكلة
لو هتعملى بيه حاجة تانية يبقى فى احتمالين
يا اما الحاجة دى حلوة يا اما وحشة
لو حلوة مفيش مشكلة
لو وحشة يبقى فى احتمالين
يا اما انا زهقت يا اما زهقت
المهم ماااااااله برده العصير

ههههههههههه استلم ياثروت دا الحكايات جميلة هنا

ما تكتب موضوع تانى بقى يا ثروت بس يكون اغلى شويه من الربع جنيه الربع جنيه مش بيجيب ترمس دلوقتى

تصدقى نفسى فى ترمس
طب هات جنيه يمكن ينفع يجيب ولا حاجة

هههههههههههههههههههههههههههههه
لو عاوزة ترمس
يبقى فى احتمال من الاتنين
يا يطلع وحش يا يطلع حلو
لو حلو يبقى مفيش مشكلة
لو وحش يبقى فى احتمال من اتنين
ياما هتاكلية وامرك لله ياما هترمية
لو هترمية مفيش مشكلة
لو هتاكلية يبقى فى احتمال من اتنين
يابطنك توجعك يا اما مش هيحصلك حاجة
لو محصلش حاجة مفيش مشكلة
لو بطنك وجعتك فى احتمالين
ياما تاخدى دوا وترتاحى ياما لو مرتاحتيش هتروحى للدكتور
لو ارتحتى مفيش مشكلة
لو روحتى للدكتور فى احتمالين
العيادة تكون فاضية او تكون زحمة
لو فاضية مفيش مشكلة
لو زحمة يبقى فى احتمالين
انك تستحملى لما دورك يجى او انك مش هتستحملى وهتصرخى وتفضحينا
لو هتستحملى يبقى مفيش مشكلة
لالالالالالالالالالالالالالالالالا زهقت
هكملكوا يوم تانى